Një 44- vjeçar është arrestuar ditën e sotme në Malësinë e Madhe, pasi duke qëlluar në ajër me armë zjarri ka terrorizuar banorët e zonës. Bëhet me dije se, autori qarkullonte me armë zjarri me fishek në fole, në automjetin që e drejtonte në gjendje të dehur.
Bëhet me dije se nga denoncimet e qytetarëve dhe kontrollet e kryera, fal operacionit “Last trip”u arrestua në flagrancë shtetasi A. B., 44 vjeç, banues në Koplik, Malësi e Madhe, i cili pas kryerjes së alkool-testit rezultoi se drejtonte mjetin “Volksëagen”, në gjendje të dehur, në masën 0.93 mg/l.
Gjatë kontrollit të ushtruar në automjet, shërbimet e Policisë kanë gjetur dhe sekuestruar në cilësinë e provës materiale një armë zjarri pushkë me fishek në fole, si dhe disa fishekë të tjerë. Bëhet me dije se prej kohësh ai lëvizte në zonë me armë dhe banorët ndiheshin të frikësuar.
Discussion about this post