Deputeti Ervin Salianji i ka qëndruar deklaratës së tij se Lulzim Basha duhet të dorëhiqet nga posti i kreut të PD, pas rezultatit tronditës në zgjedhjet e 6 marsit, ku PD u rendit si forca e tretë politike.
Në hyrje të Kuvendit, Salianji tha para gazetarëve se Basha duhet të mbajë përgjegjësi për humbjen e besimit që kanë qytetarët ndaj PD, megjithëse shtoi se sot duhet të flitej për çështje të ndjeshme si afera e inceneratorëve apo rritja e çmimit të naftës.
“Po, absolutisht po! Afera 430 milionë euro e inceneratorëve dhe rritja e çmimit të naftës, janë temat që duhet të diskutohen sot. Është krijuar një treg monopol, këto janë shqetësimet thelbësore të shqiptarëve. PD duhet të marrë të gjitha masat e nevojshme për të rikthyer besimin e shqiptarëve”, tha Basha.
Discussion about this post