Kryeministri Edi Rama ka njoftuar se ditën e sotme do të zhvillohet mbledhja e parë Bordit të Administrimit të Karburantit. Përmes një postimi në Facebook, kryeministri shprehet se ky bord do të rivlerësojë çmimet dhe do të vendos transparencë, që barra e kësaj krize të mos bjerë mbi qytetarët. Ky njoftim i kryeministrit vjen vetëm pak orë para protestës masive që është paralajmëruar sot në orën 11 nga qytetarët.
“Mirëmëngjes dhe me konfirmimin se nga sot, me ngritjen e Bordit Kombëtar të Administrimit të Karburantit, çmimet do të kalojnë në filtrin e transparencës dhe marzhi i fitimit të kompanive do të ngrijë, për të mos lejuar asnjë abuzim në kurriz të qytetarëve, ju uroj një fundjavë të mbarë”, shkruan ai. Kujtojmë se ngritjen e këtij bordi kryeministri e paralajmëroi ditën e djeshme në një konferencë për mediat, teksa paralajmërojë se do të merren masa ndaj furnizuesve që abuzojnë.
Discussion about this post