Gjykata e Durrësit mori ditën e sotme vendimin për dy të rinjtë e arrestuar disa ditë më parë pasi morën pjesë në protestën kundër rritjes së çmimeve. Gjyqtari i seancës, Markeljan Koça vendosi një masë më të butë sigurimi, ”detyrim paraqitjeje” ndaj Endri Smeli 21-vjeç dhe Alehandro Basho 33-vjeç.
Për protestat që nisën në Durrës që nga e mërkura dhe në vazhdim policia ka proceduar penalisht 76 persona, përfshirë dhe dy personat që sapo u liruan dhe do të hetohen në gjendje të lirë për akuzat e ngritura ndaj tyre.
Prej të mërkurës qytetarët kanë dalë në protesta në të gjithë vendin për rritjen e çmimit të karburantit, por edhe rritjes së çmimit të të gjitha produkteve ushqimore dhe taksave me pretekstin e luftës në Ukrainë.
Discussion about this post