Rusët s’kanë mëshirë, bombardojnë teatrin në Mariupol ku strehoheshin mbi 1 mijë njerëz (Foto)

Pushtuesit rusë kanë bombarduar Teatrin e Mariupol, ku fshiheshin të paktën 1 mijë qytetarë që kishin humbur shtëpitë e tyre.

Lajmi është konfirmuar nga Këshilltari i Shefit të Zyrës së Presidentit të Ukrainës Volodymyr Zelenskyy, Mykhailo Podoljak.

“Nuk dihet sa njerëz vdiqën nën rrënoja. Tani ka beteja të ashpra. Askush nuk mund të shkojë në rrënoja, nuk e dimë nëse ka të shpëtuar. Dhe më e keqja është se nuk mund t’i nxjerrim nga rrënojat. Shumë banorë të Mariupolit u fshehën në teatër me fëmijë të vegjël”, thuhet në deklaratë.

Sipas Këshillit, forcat ruse e kanë targetuar me qëllim Teatrin e Dramës në zemër të Mariupolit ndërsa njoftohet se bomba u hodh nga një avion. Nuk ka ende të dhëna për numër viktimash.

Russia’s forces dropped a heavy bomb on the Mariupol Drama Theater, which sheltered refugees who had lost their homes.
Occupiers could not help but know that refugees were hiding there, as it was an officially designated place. there could be about a 1000 civilians. pic.twitter.com/qTM6zUbfau

— Serhii Sternenko (@sternenko) March 16, 2022