Kryeministri Edi Rama po zhvillon një takim me fermerë për masat e ndërmarra nëpërmjet Paketës së Rezistencës Sociale.
Rama është duke u takuar me fermerët ndërkohë që para zyrës së tij janë duke u mbledhur qytetarët që kërkojnë nga qeveria të marrë masat për të ulur çmimet.
“Ka shumë diskutime debate për bujqësinë, sot dhe prej shumë kohësh sepse një pjesë flasin mbi bazën e fakteve ndërsa një pjesë nga opinione krijuar nga mediat që më shumë priren për keq”, tha Rama.
Sipas tij, bujqësia sot nuk i ngjan fare asaj të para 7-8 viteve.
“Paketa e rezistencës sociale për fermerët, 500 mln lekë plus për naftën pa taksa, për një total prej 1.45 mld lekësh”, shprehet Rama.
Ndërkaq qytetarët janë mbledhur duke “pushtuar” Tiranën dhe brohorasin “Poshtë qeveria”, “Kush mbjell varfëri, do të korrë revoltë”.
Ndërsa theksojë se janë sot në shesh që qeveria të plotësojë pa vonuar më 10 kërkesat e tyre, duke përmendur ligjin për minimumin jetik, uljen e TVSH për shportën bazë, uljen e çmimeve, reduktimin e taksave.
Discussion about this post