“Negociata me Putin?” Zelensky: Nëse s’ka marrëveshje nënkupton një Luftë të Tretë Botërore

Presidenti i Ukrainës  Volodymyr Zelensky është shprehur sot se është gati të negociojë me presidentin rus Vladimir Putin.

Ai gjithashtu ka paralajmëruar se nëse ndonjë përpjekje për negociata dështon, kjo mund të nënkuptojë se lufta midis dy vendeve do të çojë në “një Luftë të tretë Botërore”.

“Jam gati për negociata me të. Isha gati për dy vitet e fundit. Dhe unë mendoj se pa negociata, ne nuk mund t’i japim fund kësaj lufte. Nëse ka vetëm 1% mundësi që ne ta ndalojmë këtë luftë, mendoj se duhet ta shfrytëzojmë këtë shans. Unë mund t’ju them për rezultatin e këtyre negociatave, ne po humbasim njerëz të pafajshëm në terren”,  tha Zelensky për Fareed Zakaria të CNN.