Prej ditësh vendi jonë nuk po gjen qetësi nga vatrat e zjarrit. Ndërkaq specialistët për Hetimin e Krimit në Komisariatin e Policisë Dibër dhe Bulqizë, kanë proceduar penalisht dy autorë, pasi dyshohen se kanë ndezur zjarr me qëllim hapjen e kullotave.
Si pasojë e erës së fortë zjarri ka dalë jashtë kontrollit duke djegur disa hektarë tokë me bimësi.
Dyshohet se ka qenë shtetasi me iniciale S. Gj., 24 vjeç, në fshatin Kastriot, Dibër dhe shtetasi T. R., 57 vjeç, në fshatin Çerenec, Bulqizë, që u kanë vënë zjarrin këtyre sipërfaqeve të tokës.
Materialet proceduriale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
Drejtoria Vendore e Policisë Dibër, apelon për të gjithë banorët, që në asnjë rast të mos shkaktojnë zjarrvënie, pasi do përballen me ligjin.
Policia fton qytetarët që të denoncojnë në numrin 112 dhe Komisariatin Dixhital, për çdo rast të zjarrvënies apo të paligjshmërisë në tërësi duke iu garantuar anonimatin dhe reagim të shpejtë e të paanshëm.
Discussion about this post