Enkelejd Alibeaj ka thirrur në një mbledhje grupin parlamentar të PD. Në mbledhje janë ftuar të gjitha anëtarët, përveç Sali Berishës, të cilit për shkak të mosmarrëveshjeve i është ndaluar nga Alibeaj pjesëmarrja. Por, Berisha ka sfiduar hapur Alibeajn dhe ka deklaruar se do të shkojë në mbledhje. Gjatë një prononcimi të shkurtër për mediat, Berisha deklaroi se është njoftuar nga kolegët për mbledhjen e grupit dhe do të jetë i pranishëm. Berisha deklaroi se ka vetëm një grup parlamentar dhe se Kuvendi i 11 dhjetorit i ngarkon atij përgjegjësi të marrë pjesë në këtë mbledhje.
“I pari që do të jetë në atë mbledhje është Sali Berisha. Kam një detyrim madhor absolut nga kuvendi i 11 dhjetorit, të konfirmuar me referendumin e 18 dhjetorit dhe ne zgjedhjet e 6 marsit. Nuk e di nëse Alibeaj të jetë shprehur kështu dhe nëse ju u ka autorizuar ju. Nuk ka grup të ndarë. Ka një grup parlamentar, e kam theksuar dhe e theksoj dhe një herë se e ndani ju, ai nuk është i ndarë. Më kanë njoftuar koleget e mi se ka mbledhje dhe unë do shkoj, normale”, tha Berisha. Deklarata e Berishës u bë pas një mbledhje që zhvilloi Komisioni i Rithemelimit.
Discussion about this post