Ish-deputeti i Luginës së Preshevës, Shaip Kamberi, ka deklaruar se ka për synim që nga listat e tyre të jenë 3 deputetë në Kuvendin e Serbisë. Në një deklaratë për mediat, Kamberi ka akuzuar shtetin serb për ka lejuar që të marrin pjesë në këtë garë kriminelë serbë në luftën ndaj Kosovës. Kamberi ka thënë se në dy vitet e fundit kanë pasur në vazhdimësi një politikë shtetërore kundërshqiptare, e cila në deklarimet publike ka shprehur gjuhën e urrejtjes edhe ndaj pakicave të tjera, sidomos ndaj shqiptarëve, duke i shpallur si armiq të këtij shteti. “Me këto cilësime shqiptarët në Luginë do të vazhdojnë të përballën me diskriminimin e shtetit serb”, tha ai.
Sipas tij, kësaj here është një situatë tjetër, nga se në këto zgjedhje do të marrin pjesë edhe partitë opozitare. “Në fakt nuk kemi asnjë dallim në programet tona, porse kritikat e tyre në drejtim të presidentit Vuçiç janë tepër të buta në raport me Kosovën, tepër të buta në raport me shqiptarët e Luginës, nuk e mohojnë përfshirjen e Serbisë në NATO, nuk janë për ndërprerjen e lidhjes së Serbisë me Rusinë, që do të thotë se Vuçiç do të jetë një patriot pro-serb”, tha Kamberi për RTK-në. Ndërkaq rreth asaj që kriminelët serbë po marrin pjesë në zgjedhjet e Serbisë dhe reagimit të BE-së për këtë çështje, Kamberi ka thënë se burokracia e BE-së po reagon me vonesë.
Discussion about this post