Paneli i Gjykatës së Apelit, ka refuzuar apelin e mbrojtjes së Kadri Veselit kundër vendimit të gjykatësit të procedurës paraprake për mbajtjen e mëtejme të tij në paraburgim. Lajmi është bërë i ditur përmes njoftimit të publikuar në faqen zyrtare të Gjykatës Speciale.
Më 9 nëntor, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për veprat që akuzohen. Njëjtë është deklaruar edhe Veseli në paraqitjen e tij me 10 nëntor, sikurse edhe Selimi me 11 nëntor.
Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të UÇK kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë, akuza që nuk janë vërtetuar ende.
Discussion about this post