Trajneri i Juventusit, Missimiliano Allegri ka dalë në konferencë për shtyp, ku ka folur për përballjen me Interin, takim që është i vlefshëm për javën e 31-të të Seria A.
Një derbi që bardhezinjtë do të kërkojnë ta fitojnë për të parakaluar në renditje edhe zikaltërtit, teksa “Zonja e Vjetër” ndodhet në vendin e 4-të me vetëm 1 pikë më pas se Interi i Simone Inzaghit.
Gjendja e skuadrës – “Nesër do të shihni se kush do të luajë në këtë ndeshje të bukur. Chiellini është gati, Bonuçi do të ulet në pankinë, ndërsa Zakaria dhe Alex Sandro kanë rikuperuar. Jemi pothuajse të gjithë të disponueshëm. Alex Sandro do të luajë si titullar, por ashtu edhe Dybala”.
Skuadra favorite – “Interi bashkë me Napolin dhe Milanin janë favoritë për titullin. Ne duhet të bëjmë një paraqitje të mirë për të konsoliduar vendin e katërt dhe për të mundur skuadrën kampione të Italisë. Ne do të luajmë për të marrë pikë, sepse objektivi është që të luajmë në Champions sezonin e ardhshëm. Do të jetë një mbrëmje e bukur me stadiumin plot”.
Rëndësia e sfidës – “A del jashtë loje një skuadër? Unë flas për Juventusin. Ne duhet të jemi të përqendruar te ndeshja dhe më pas të shohim se në çfarë pozicioni jemi në renditje. Nuk luajmë që Interi të humbasë titullin”. /f.a/abcnews.al
Discussion about this post