Juventus-Inter është ndeshja më e rëndësishme e kësaj jave në kampionatet më të forta në Europë. Derbi i Italisë luhet prej orës 20:45 dhe trajnerët Massimiliano Allegri dhe Simone Inzaghi kanë vendosur për formacionet.
Nëse ndokush do kishte ndonjë dilemë për Dybala, ai do të jetë në fushë sonte nga minuta e parë dhe këtë e konfirmoi edhe trajneri i bardhezinjve. Argjentinasi do të luajë si fantazist dhe “digën” në mesfushë do e ndërtojnë Zakaria e Locatelli.
Interi në krahun tjetër do të jetë me formacionin e zakonshëm. Stefan de Vrij është mungesa e rëndësishme në 11-tëshen e parë dhe në vend të tij luan sërish D’Ambrosio. Më poshtë formacionet e mundshme të derbit të Italisë, Juventus-Inter.
Discussion about this post