Bruno Telushi zyrtarisht është lojtar i lirë. Kampionët e Azerbajxhanit, PFC Neftchi, kanë vendosur të mos e rinovojnë marrëveshjen me vlonjatin.
“PFC Neftchi nuk e ka rinovuar kontratën me mesfushorin Bruno Telushi. Falënderojmë futbollistin shqiptar për shërbimet e tij dhe i urojmë suksese në karrierën e tij.
Duhet theksuar se Telushi, i cili u transferua në tetor të vitit të kaluar, u paraqit në 9 ndeshje”, thuhet në komunikatën e Neftchi.
Telushi verën e shkuar firmosi me Kukësin dhe luajti me ta në kupat e Europës, ndërsa më pas gjeti marrëveshjen të transferohej në Azerbajxhan.
Në Superiore mesfushori ka luajtur më së shumti te Flamurtari, për të kaluar më pas te RNK Split në Kroaci dhe te Partizani në elitën e futbollit tonë. Me “demat” Telushi u shpall edhe kampion.
