Ministri i Jashtëm rus, Sergei Lavrov ka sulmuar sërish Kosovën në vendimin e saj për të mbështetur hapur Kievin në luftën kundër Rusisë.
Në një postim në Twitter, Lavrov e ka konsideruar Kosovën si një shtet të vetëshpallur kriminal, ndërsa shton se Prishtina dëshiron të përfitojë nga situata e krijuar në raportet ndërkombëtare për të siguruar njohje.
“Sa i përket mbështetjes së Prishtinës për Kievin, Kosova, e cila është një shtet i vetëshpallur kriminal, nuk kujdeset për ligjin ndërkombëtar. Ajo dëshiron vetëm të përfitojë nga situata për të fituar njohjen për pseudo-pavarësinë e saj dhe po paraqitet si aleati kryesor i SHBA-së dhe NATO-s në Ballkan”, shkruan Lavrov.
Lavrov vijoi të mbështesë akuzat se Ukraina po rekruton mercenarë të cilët rekrutohen me anë të ambasadave të tyre perëndimore dhe luftojnë në këmbim të parave, ndonëse Kosova po i ka hedhur poshtë.
Discussion about this post