Ditën e sotme në orën 17:00 do të zhvillohet mbledhja online e Asamblesë së Partisë Socialiste. Në rendin e ditës do të miratohet dhe vendimi për thirrjen e Kongresit më 9 prill në Pallatin e Kongreseve.
Në Kongresin e 9 prillit, pritet një riorganizimi i partisë pas skandaleve të fundit. Gijotina.com raportoi disa ditë më parë se kryeministri Edi Rama do të kërkojë ndërprerjen e mandatit 4-vjeçar të kryetarëve të degëve të PS-së, të cilët do të mbajnë këtë detyrë deri 15 qershor.
Ky është afati në të cilin do të zhvillohen edhe zgjedhjet për strukturat drejtuese në degët e kësaj forcë politike në çdo bashki. Mandati iu ndërpritet 61 kryetarëve aktualë të degëve të partisë, ndërkohë që do t’i hapë rrugë zgjedhjeve të reja që do të mbahen në javët e para të majit.
Ndryshime pritet të ketë edhe në nivele më të larta ku disa nga ministrat do te shkarkohen dhe pritet që figura të reja t’i bashkohen PS ose do të ketë një riciklim të figurave të vjetra. Kongresi ishte parashikuar të mbahej në fund të janarit, por u shty për shkak të zgjedhjeve lokale.
RENDI I DITËS NË ASAMBLE:
- Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11:00, në Pallatin e Kongreseve në Tiranë.
- Diskutimi dhe miratimi i Agjendës së punimeve të Kongresit.
- Miratimi i rendit të ditës së punimeve të Kongresit.
- Prezantimi i Statutit të ri të partisë që do ti paraqitet Kongresit për votim e miratim.
Discussion about this post