Tea Trifoni është ish-konkurrentja e “Për’puthen” që bëri bujë me lidhjen e trilluar të saj me Andin, teksa në të vërtetë ajo pranoi raportin me djalin nga Kosova, Beartin.
Lidhja e tyre nuk zgjati shumë. Ishte pikërisht miku i saj nga “Përputhen”, Fation Kuqari ai që bëri ‘shkesën’ për Tean dhe mikun e tij nga Fieri.
Në një rrëfim të sajin, ajo tregoi se të dashurin e ka njohur rastësisht me Fation Kuqarin dhe se ai është një djalë i thjeshtë i panjohur për publikun. Ajo shtoi se përshtypje i bën komplimentet që mori për karakterin dhe inteligjencën e jo nga ato të zakonshmet që merr për sytë. Gjithashtu, Tea tregoi se ata kanë shkëmbyer edhe puthjen e parë me njëri-tjetrin.
“I dashuri nuk kishte dalë akoma në kohën kur bëra pushimet. Jam në një njohje, është një djalë shumë i mirë. E kam njohur së fundmi, prandaj them që jam akoma në njohje. Jemi njohur në një festë ditëlindje rastësisht. Ai nuk e njihte të zotin e ditëlindjes, as unë nuk e njihja të zotin e ditëlindjes dhe ishim kështu të përjashtuar nga grupi edhe u bashkuam bashkë”, ka rrëfyer Tea.
Discussion about this post