Ish-kryeministri, Sali Berisha, në një intervistë për mediat ka komentuar situatën politike brenda PD, por dhe se çfarë do të bëjë Komisioni i Rithemelimit. Berisha tha se po punohet që të ketë ndryshime rrënjësore dhe se anëtarësia do të ketë të drejtë jo vetëm të zgjedhë drejtuesit por edhe të gjithë kandidatët për kryetarë bashkish apo dhe kandidatët për deputetë.
“Ka ndryshime të thella statusore. Të cilat instalojnë ko vetëm zgjedhjen një anëtar një votë për të gjithë drejtuesit e PD, por për të gjithë pushtetarët vendorë dhe deputetët që do të zgjidhen. Në bisedime me miqtë amerikanë do vijë një kompani vetëm për modelin e primareve, ne e zbatuam në zgjedhjet vendore por do e përsosim. Pse ristrukturim? Sepse në mënyrën më absurde forumet e partisë kaluan çdo lloj proporcioni. Kuvendi ishte me 7500 anëtarë por në Shqipëri sallë më të madhe se 3-4 mijë vende nuk ka” – ka thënë Berisha.
Discussion about this post