Freedy Rincon, ish-mesfushori i Napoli dhe Real Madrid në vitet ’90, ka humbur jetën. Ai pësoi një aksident i frikshëm ditën e hënë, teksa po udhëtonte me tre persona të tjerë.
Ngjarja ndodhi në Cali, në Kolumbi dhe mjeti ku udhëtonte 55-vjeçari u përplas nga prapa prej një autobusi të linjës urbane.
Të plagosurit u dërguan menjëherë në një qendër shëndetësore dhe Rincon iu nënshtrua një operacioni dhe më pas ishte në sallën e kujdesit intensiv, ku edhe humbi jetën pas gati tre ditësh.
#ReporteEntérateCali Así fue el aparatoso accidente de tránsito en la calle 5ta con 34 en el que conducía el exfutbolista Freddy Rincón y se estrelló contra un bus del MIO. pic.twitter.com/udBFbwXtWj
— Entérate Cali – Noticias Cali (@EnterateCali) April 11, 2022
Rincon e kishte nisur karrierën si profesionist me Santa Fe në vitin 1986 dhe pas tre sezonesh kaloi te America De Cali, ku luajti 176 ndeshje dhe shënoi 54 gola.
Në vitin 1993 kaloi te Corinthians, klub që e huazoi te Napoli në sezonin 1994/95. Më pas ai iu bashkua Real Madrid, ekip me të cilin luajti 21 ndeshje. Rincon deri në fund të karrierës veshi edhe fanellat e Santos dhe Cruzeiro.
Në periudhën 2005-2010 ai punoi edhe si trajner, pa pasur ndonjë karrierë të madhe. Rincon ka qenë pjesë e rëndësishme e kombëtares së Kolumbisë, ku ka mbajtur edhe shiritin e kapitenit.
Discussion about this post