Duke filluar nga dita e sotme do të nisë devijimi i lëvizjes së automjeteve në Unazën e Madhe për shkak të ndërtimit të lotit 3, ku sipas njoftimit të ARRSH automjetet që lëvizin nga sheshi Shqiponja drejt pallatit me shigjeta do të devijohen majtas duke përdorur karrexhatën e re të lotit 3, duke shmangur kështu lëvizjen në mbikalimin.
Ndërsa automjetet që përdorin aksin e rrugës dytësore djathtas, nuk do të kenë ndryshim të lëvizjes. Automjetet që do të vijnë nga Mbikalimi i Pallatit me Shigjeta në drejtim të rruges “Teodor Keko”, do të devijojnë djathtas duke përdorur karrexhatën e re të rrugës dytësore të Lotit 3, duke shmangur kështu aksin kryesor deri pranë nënkalimit të O-Zone, e duke vazhduar më pas sipas orientimit ekzistues në Lotin 2.
Për automjetet që do të kenë destinacion Yzberishtin, Bulevardin “Migjeni”, “Kombinatin” nuk do të ketë ndryshime në qarkullim.
Discussion about this post