Anëtarët e Komisionit të Pavarur të Kualifikimit janë vendosur aty për të hetuar dhe vendosur mbi gjyqtarët dhe prokurorët që kalojnë në procesin e vettingut. Por, me sa duket dhe vetë këta komisionerë nuk janë aq të pastër sa Kushtetuta e kërkon. Gjykata Anti-korrupsion ka kapur në shkelje të ligjit dhe në fshehje të pasurisë komisoneren Brunilda Bekteshi, e cila edhe në seancën e fundit të realizuar nuk mund të binte trupën gjykues për një kredi dhe një apartament super luksoz që zotëron.
Kujtojmë se seanca për të ka nisur pas një hetimi të hapur nga SPAK më parë, ku u evidentua se ajo ka bërë deklarim të rremë. Sakaq, në seancën e fundit Gjykata komisionerja Bekteshi nuk ka arritur që të argumentojë me prova bindëse burimin financiar për blerjen e një apartamenti në Tiranë, si edhe veprimet që ka kryer për përfitimin e një kredie.
SPAK ka kryer hetim të thelluar ndaj Bekteshit për “deklarim të rremë” , si edhe për mungesë burimi financiar për blerje asetesh. Sipas analizës së kryer nga Gjykata, duke iu referuar bilancit të ardhura-shpenzime, rezultonte se Brunilda Bekteshi për periudhën 2001-2007, ka jetuar me 8 mijë lekë në muaj.
Pikërisht, kjo situatë absurde ka ngritur dyshimet e Gjykatës, e cila ka kërkuar nga Prokuroria për të vijuar me hetimet ndaj pasurisë së Bekteshit, duke ngritur gjithashtu dyshimet se komisionerja e Vetingut mund të ketë kryer veprën penale të “Deklarimit të rremë” të pasurisë.
Gjetjet nga hetimet
Ndër të tjera, evidentohet se në deklaratën para fillimit të detyrës, të plotësuar në vitin 2017, Bekteshi deklaron ndër të tjera se ka në pronësi një apartament, të blerë në vitin 2008, me vlerë 54 mijë euro, me burim një kredi dhe kursime familjare. Por, të dhënat e siguruara gjatë hetimit paraprak të Prokurorisë, treguan se ky deklarim, në rastin më të mirë është i pasaktë, ndërkohë që gjykata analizoi se nuk kishte burim të ligjshëm financiar. Qëndrimet e komisioneres Bekteshi bien tërësisht ndesh me formularin e pasurisë.
Apartamenti i deklaruar si i blerë në vitin 2008 me vlerë 54 mijë euro, në fakt është blerë një vit më pas, me shumë të deklaruar 3.1 milionë lekë. Por nuk është vetëm ky fakt i dyshimtë në pasurinë e Brunilda Bekteshit.
Kujtojmë se Brunilda Bekteshi është kallëzuar penalisht në SPAK nga shoqata “Drejtësi për Drejtësi”, e drejtuar nga ish-magjistrati Gentian Trenova. Sipas kallëzimit, Bekteshi nuk ka pasur burime financiare për blerjen e një apartamenti në Tiranë në vitin 2007, si edhe ka deklarim të rremë sa i përket burimit financiar të saj.
Deklarimi i plotë e Bekteshit
Akuzohem nga kallëzuesit se kam konsumuar veprën penale të parashikuar nga neni 257/a i Kodit Penal, që ka të bëjë me deklarimet e të ardhurave të pasurisë, lidhur me apartament banimi.
Lidhur me këtë pasuri (apartament 1+1), e vetmja që gëzoj që nga viti 2007 e deri më sot, burim kanë qenë të ardhurat e mia, të bashkëshortit dhe kredia e shpenzimet e tjera të saj. Në deklarimin e pasurisë ka vetëm një pasaktësi të datës dhe vitit, e cila është lidhur me veprime, duke iu referuar një kontratë shit-blerje të një pasurie tjetër (2+1)
Pas blerjes së pasurisë 1+1, ne ishim të interesuar të kishim një zgjerim, duke ndërmarrë disa veprime, pasi menduam të zgjeroheshim me ambjent në vitin 2008, veprime të cilat u anuluan, duke mos u realizuar asnjëherë. Në datë 17.12.2008, unë dhe bashkëshorti nënshkruan me shoqërinë “Alba Construction” kontratë shitje paraprake për blerjen e një apartamenti 2+1, me sipërfaqe 110 m2, me çmim 54 mijë euro.
Në datë 24.12.2008, ne nënshkruan kontratë shit-blerjes me rezervë për apartamentin 2+1, kundrejt kundrejt çmimit 54 mijë euro. Në 28.01.2009, para noterit u mbajt dokumenti “Revokim kontrate” për apartamentin 2+1. Në 29.01.2009, bashkëshorti im nënshkruan kontratën e kredisë me NBG-Bank, duke vendosur kolateral apartamentin 1+1. Në datë 01.03.2009, bashkëshorti im dhe shoqëria ndërtuese kanë nënshkruar akt-marrëveshje për anulimin e kontratës për apartamentin 2+1 dhe kthimin e palëve në gjendjen e mëparshme. Kredia u përdor për shpenzime për apartamentin që disponoj (1+1).
Gjyqtari paraprak nuk u bind aspak me argumentat e komisioneres së Vetingut, Brunilda Bekteshi.
Discussion about this post