Të shtëna me armë zjarri kanë tronditur pasditen e sotme Lushnjen. Burime nga policia bëjnë me dije se ngjarja ka ndodhur rreth orës 16:15, në afërsi të stacionit të trenit.
Në rrethana ende të paqarta është plagosur me armë zjarri një 44- vjeçar i identifikuar me iniciale K.M., i cili ndodhet në spital nën kujdesin e mjekëve.
Nuk dihet ende nëse rasti në fjalë është atentat apo një konflikt i çastit që më pas ka agravuar në përdorimin e armëve të zjarrit.
Shërbimet e Policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.
Theksojmë se një rast i ngjashëm u raportua edhe mbrëmjen e djeshme pak para mesnate në Shkodër, ku u plagos një 28- vjeçar i identifikuar me ermin Edis Reçaj.
Ngjarja është në hetim, ndërsa i riu ka mohuar të ketë njohje me autorin.
Discussion about this post