3 gra ngujohen brenda një dyqani në Vlorë me bombol gazi në dorë

Tre gra janë ngujuar brenda një dyqani në qytetin e Vlorës, pranë një karburanti. Me vete kanë marrë një bombol gazi dhe kërcënojnë për vetëflijim.

Prej 10-vitesh zonjat kanë konflikt me pronarin e pallatit, dhe shprehen se i kanë zvarritur. Gratë thonë se sipas kontratës duhet të merrnin banesë, ndërkohë që pronari i pallatit i ka hedhur në rrugë.

3 kryefamiljaret pretendojnë se shtëpitë me dokumente të rregullta ia kanë dhënë një ndërtuesi para 10 vitesh, por nuk kanë përfituar asgjë. “U mashtruam nga ndërtuesi”, kanë thënë gratë mes të tjerash.

Njëra prej grave, më e moshuara, shprehet se ka fituar proceset gjyqësore qoftë në shkallën e parë dhe qoftë në apel, por ende sot edhe kësaj dite prona nuk i është dhënë.“Kemi që në 2012 që presim të marrim apartamentin dhe nuk e kemi marrë, nuk kemi marrë asnjë zgjidhje deri sot. U jemi drejtuar të gjitha institucioneve, njëri prej nesh i ka fituar gjyqet në tre shkallët, dhe tjetrës jo”, shprehet një prej banoreve.

Pranë dyqanit ndodhen forcat e policisë si edhe shefi i komisariatit Vlorë.