Kreu i grupit parlamentar të Partisë Socialiste, Taulant Balla ka refuzuar të tregojë nëse PS ka emra konkretë për zëvendësimin e Ilir Metës në postin e Presidentit të Republikës.
Në një deklaratë për mediat, Balla tha se tani janë në momentin që po përcaktohet profili i Presidentit, ndërsa deklaroi se emrat do të jepen në një fazë të dytë.
“Në kohën e duhur unë do ju jap një informacion për emrat, në këtë fazë po përcaktojmë profilin e presidentit të ri. Do të ishte në respekt që mos ketë thashetheme dhe intriga mediatike. Në media kam parë lloj lloj emri që qarkullon padrejtësisht. Nuk duam të bëhemi objekt skenari të kësaj telenovele. Ne nuk jemi në fazën për të nxjerrë emra, do të jetë një moment tjetër kur të biem dakord me profilin por të biem dakord dhe me emrin. Dua që me opozitën që 3 përfaqësues të PS-së jemi gati të ulemi në çdo moment në një tryezë”, tha Balla.
Më herët, Balla tha se raundi i parë i votimit për presidentin do të jetë në datë 10 Maj, ndërkohë që Konferenca e Kryetarëve është shtyrë më datën 4 maj.
Discussion about this post