“Prisni sa të ikë Biden”/ Vjen reagimi i parë nga grupi i Bashës: E papranueshme!

Deputeti demokrat Arbi Agalliu ka reaguar pas deklaratës së aktivistes Evi Kokalari e cila tha nga Kuvendi Kombëtar i PD se demokratët duhet të bëjnë durim derisa të largohet administrate e Joe Biden, pasi e cilësoi fajtor për shpalljen non grata të ish kryeministrit Berisha.

Në një status në faqen e tij në Facebook, Agalliu shkruan se kjo është një sjellje e papranueshme dhe ky diskutim është i njëjtë me ato të diktaturës ku sulmohej Presidenti i SHBA.

“Si mund të thuash që President Joe Biden ka uzurpuar Shtëpinë e Bardhë??? Si mund të thuash që duroni sa të ik Administrata e Presidentit Biden??? Diskutim si në 1945 ku shqiptarët pritën për 45 vite. E pa pranueshme kjo sjellje dhe ky diskutim si në diktaturë ku sulmohej Presidenti i SHBA. SHBA janë simbol i demokracisë pavarësisht se cili është president, sepse ai zgjidhjet me votë të lirë e të ndershme”, shkruan Agalliu.