Romeo Veshaj dhe Aleksia Peleshi janë një ndër dyshet më të komentuara në mediat rozë. Ata prej disa kohësh janë përfolur në mediat sociale se i kanë dhënë fund lidhjes së tyre.
Ka qenë aktori ai i cili pak ditë më parë ka konfirmuar se është ndarë nga vajza e Niko Peleshit, Aleksia.
Ajo, ditën e sotme ka dhënë një intervistë për emisionin “Rudina”, ku është shprehur se nga njëra anë është nxituar duke e bërë publike lidhjen e tyre por nga ana tjetër, është ndjerë e sigurt pasi marrëdhënia kishte arritur në disa pika kyçe.
E pyetur nga moderatorja e programit nëse janë ndarë me mirëkuptim, Aleksia e ka mohuar dhe është shprehur se njerëzit ndryshojnë e po ashtu edhe ndjenjat.
“Jo le të themi thjesht që njerëzit ndryshojnë dhe ndjenjat po ashtu.”
Më pas, mes të tjerash ajo është shprehur se madje kishin planifikuar dhe martesën.
“Po. Bënim plane për martesë në të ardhmen e afërt, më prezantonte si të fejuarën. Ka takuar familjen time dhe këto ishin gjërat që më shtynin të kisha siguri dhe të mendoja që unë me këtë njeri i kam gjërat e finalizuara. Sa herë kam pasur probleme apo krisje kam menduar që janë gjëra që çdo çift i kalon. Ama, jam nxituar në këtë konkluzion sepse në fund të fundit unë jam vetëm 20 vjeç. Nuk mund të pretendoj që partneri i parë që kam në jetë do të jetë i fundit, do jetë ideali, shumë larg asaj gjëje, kështu që s’funksionoi, s’funksionoi. Kaq.”
Discussion about this post