Në Ditën Botërore të Lirisë së Shtypit, ambasada e SHBA në Tiranë ka përcjellë një mesazh ku rithekson mbështetjen për gazetarët e pavarur në vend që përpiqen të raportojnë të vërtetën.
Në mesazhin e saj, ambasada shkruan për takimin që ambasadorja Yuri Kim ka zhvilluar me dy gazetarë në vend teksa shton se që lufta kundër korrupsionit të ketë sukses, roli që ka një media e fortë dhe e pavarur është parësor.
“Në Ditën Botërore të Lirisë së Shtypit, Shtetet e Bashkuara ritheksojnë mbështetjen e tyre të palëkundur për gazetarët e pavarur të cilët përpiqen të zbulojnë dhe të përcjellin të vërtetën, të luajnë rolin e tyre mbikëqyrës në një mënyrë të përgjegjshme dhe të punojnë në një mjedis pa përndjekje, frikësime dhe vetëcensurë. Javën e kaluar, Ambasadorja Yuri Kim u takua me gazetarët Edmond Hoxhaj (BIRN Albania) dhe Isa Myzyraj (Ora Neës) për të shprehur mbështetjen e palëkundur për gazetarët e pavarur dhe për të dënuar sulmet direkte dhe indirekte ndaj gazetarëve të cilët kërkojnë të raportojnë në mënyrë të pavarur dhe të saktë. Që lufta kundër korrupsionit të ketë sukses dhe pandëshkueshmëria të përfundojë, roli që ka një media e fortë dhe e pavarur është parësor”, shkruhet në njoftim.
Discussion about this post