Pas Liverpool, sonte ishte radha e Real Madrid për të marrë biletën e finales së Champions League, pasi në “Santiago Bernabeu” takimi mes madrilenëve dhe citizenëve u mbyll me shifrat 3-1.
Kjo është edhe finalja numër 17-të për skuadrën spanjolle që siguron në këtë kompeticion, ndërsa sa i përket takimit, skuadra mike arriti ta shënonte e para me Mahrez në minutën e 73-të dhe kur gjithçka dukej se ishte në favorin e Pep Guardiolës, ndodhi ajo që anglezët nuk e kishin imagjinuar.
Rodrygo për 2 minuta ktheu rezultatin, pasi arriti të shënonte dopietë 90’ dhe 92’, për ta dërguar ndeshjen kështu në shtesa, pasi “Qytetarët” fituan takimin e parë 3-4.
Me të filluar minutat shtesë, “Los Blancos” shënuan me penallti për të dërguar shifrat e takimit në 3-1, teksa nga pika e bardhë u tregua i saktë Benzema, i cili afron Realin me finalen e madhe, aty ku e pret Liverpool.
Në minutat e tjera të shtesës nuk u shënua asnjë gol tjetër, me Realin që siguron kështu edhe biletën për në finalen e Parisit e cila do të luhet më 28 maj.
Discussion about this post