Autoritet kanë dëmshpërblyer me 100 mijë euro shpërblim një shqiptar, pasi i vëllai i vrau gruan dhe vajzën. Mediat italiane bëjnë me dije se, Anton Melyshin mori këtë shumë nga Italia për humbjen e gruas 24-vjeçare, vajzës 4 vjeçe dhe kunatës 19-vjeçare. Ato u vranë barbarisht nga vëllai i Antonit 12 vjet më parë . Vetëm pas kaq vitesh hetime dhe konsultimesh , Komiteti për Solidaritet për Viktimat nga Krimet e Qëllimshme dhe të Dhunshme në Ministrinë e Brendshme dha vendimin për dëmshpërblimin e viktimës që në këtë rast është Antoni. Por avokatët e shqiptarit thonë se do të ankimojnë vendimin dhe se do të kërkojnë dëmshpërblim edhe për kunatën e vrarë pasi pretendojnë që paratë janë dhënë vetëm për vrasjen e dy të parave.
Në Tetor të vitit 2009 ai doli nga shtëpia si normalisht për të punuar në Stradella, një provincë në Pavia. Por kur u kthye në shtëpi gjeti një tmerr të vërtetë. Vajza Klaudia, gruaja Rina dhe kunata Ornela ishin therur me thikë. Krimin e tmerrshëm që i kalon edhe kufijtë e imagjinatës e kishte kryer vëllai i tij, 24-vjeçari i quajtur Alfred. Femrat e shtëpisë e kishin ftuar atë për drekë në shtëpi ndërsa ai kreu një masakër të vërtetë ndaj tyre. Në fund tentoi që të vriste veten. Më pas vrasësi u deklarua me probleme mendore dhe për pasojë nuk u dënua për të paguar dëmet që kishte shkaktuar. Antoni i ishte drejtuar gjykatave të Romës dhe Ministrisë së Drejtësisë për t’u kompensuar me 250 mijë euro për çdo vrasje sipas ligjit në fuqi. Në fillim kjo kërkesë ishte refuzuar. Ndërkohë avokati i Antonit thotë se vendimi i këtij gjykatësi duhej të rikthehej.
Discussion about this post