Akuzohet për “shpërdorim detyre”, dënohet me burg deputetja e Lëvizjes Vetëvendosje

Deputetja akuzohej për keqpërdorim të detyrës zyrtare sa mbante postin e inspektorit në Komunën e Prizrenit.

Sipas vendimit të Gjykatës Themelore të Prizrenit, Vrenezi në cilësinë e inspektores së ndërtimit, duke e ditur që nuk ka të drejtë për rrënimin e objektit, meqë i dëmtuari kishte dorëzuar aplikacionin për legalizim, Vrenezi në kundërshtim me ligjin, pas inspektimeve ka marrë vendim për rrënimin e objektit “Abi Çarshia” në korrik të vitit 2019.

Aktakuza u ngrit ndaj saj po atë vit e Jetmire Vrenezi mori mandatin e deputetes pas zgjedhjeve të 14 shkurtit të vitit 2021.

Lëvizja Vetëvendosje i ka dalë në mbrojtje deputetes.

Adnan Rrustemi: Vendimi për prishjen e objektit të paligjshëm ka qenë i drejtë, parimor dhe në shërbim të interesit publik. Siç kemi deklaruar asokohe themi edhe tani, në shkelje nuk është deputetja Vrenezi e as kolegët e saj, por Prokuroria e Prizrenit që i doli në krah paligjshmërisë.

Mbajtjen e pozitës së deputetet Vrenezit, Kushtetua e Kosovës ia lejon asaj ta mbajë deri në një vendim të formës së prerë të Gjykatës. Por, vendimin e Themelores, ajo do ta apelojë.

Për të njëjtat akuza është dënuar me 3 vjet burg e dy mijë euro gjobë edhe ish drejtori i Inspektoratit të Prizrenit, Islam Thaqi. Ndërkohë nga akuza janë liruar katër inspektorët e atëhershëm, Egzona Morina-Thaçi, Arian Tarkau, Isë Bislimaj dhe Shqipron Krasniqi.

Verën e 2019 inspektorati rrënoi aneksin e qendrës tregtare e pala e dëmtuar kërkonte dëmshpërblim nga komuna rreth 70 mijë euro.

Pas vendimit të Gjykatës së Prizrenit, avokati i deputetes së Lëvizje Vetëvendosje flet mbi procedurat e mëtejshme të kësaj çështjeje.

Avokati i deputetes së Lëvizjes Vetëvendosje, Urim Vokshi ka thënë se pret që Gjykata e Apelit t’a lirojë deputeten e Lëvizjes Vetëvendosje, Jetmira Vrenezi, pas dënimit të saj mbi rastin e rrëzimit të aneksit të “Abi Çarshisë”.

I ftuar në “Five”, Vokshi ka thënë se vendimi i Gjykatës së Prizrenit ishte i befasishëm ngase shpresonin se në bazë të aktakuzës dhe provave të shtjelluara gjatë gjykimit, do arrinin një vendim mbi lirimiin e Vrenezit. Sipas tij, çdo veprim i deputetes është kryer në bazë të konkluzioneve nga kompetencat e saj.

“Sqarimi ynë është se kemi te bëjmë me një ndërtim të një objekti të ndërtuar pa leje nga ana e investiotirit, e çka është konstatu nga inspektorët paraprak të cilët kanë ndaluar punimet në atë objekt por ai ka vazhduar prapë punimet duke shpërfillur vendimet. Inspektorët ligjor kanë bo rrënimin e objektetit me të cilët eshte pajtuar edhe investitori”, ka thënë Vokshi.

Ai ka theksuar se janë në pritje të vendimit të shkruar të Gjykatës së Prizrenit dhe sqarimin mbi fajësinë e deputetes. Më pas e njëjta do të dërgohet në Gjykatën e Apelit.

“Ne presim që Gjykata e Apelit t’a lirojë deputeten nga përgjegjësia penale mirëpo, ne jemi të bindur në pafajësinë e saj”, ka thënë ai për RTV Dukagjinin.

Jetmira Vrenezi, ish-udhëheqëse e sektorit të Ndërtimtarisë dhe njëherësh, deputete e Lëvizjes Vetëvendosje në Kuvendin e Kosovës, është dënuar me 3 vite burg dhe 2 mijë euro gjobë për rastin e rrënimit të aneksit të “ABI Çarshisë” me 19 dhe 21 korrik të vitit 2019.