Janë zbuluar detaje të reja mbi Arben Mërkurin (Ismailin), 48-vjeçarin e vrarë mbrëmjen e sotme në Sukth, para biznesit të tij. Lidhur me ngjarjen e rëndë, është bërë me dije se Mërkuri dyshohet të ketë marrë pjesë në 12 ngjarje të rënda kriminale.
48-vjeçari ka qenë gjithashtu një nga personat e dyshuar që ka marrë pjesë në ekzekutimin e 4 viteve më parë të Ervin Dalipajt dhe Juxhin Dautajt.
Ndërkohë Arben Mërkuri ka qenë i arrestuar në vitin 2016-të nga policia, pasi së bashku me dy persona të tjerë dyshohet se dhunuan biznesmenin libanez Faadi Mitri.
Gjithashtu Mërkuri njihet si miku i ngushtë i Landi Muharremit ose i njohur ndryshe si Rrumi i Shijakut, i cili dyshohet se ka qenë në makinë me prokurorin Arjan Ndoji, ditën që iu bë atentat, ku mbeti i vrarë shoferi i tij.
Theksojmë sërish se 48-vjeçari dyshohet se është vrarë për prishje të pazareve të drogës pasi rezulton si person me precedentë të mëparshëm kriminalë në fushën e narkotikëve. Ai gjithashtu rezulton të jetë një prej personave që dhunuan biznesmenin libanez në 2016. Pjesëmarrës në këtë ngjarje ishin njerëz “të rrezikshëm” dhe subjekt i OFL-së.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
Discussion about this post