Detaje të reja kanë dalë nga ngjarja e rëndë që regjistrua në orët e vona të së djeshme, ku rimorkiatori “Franco P” është fundosur rreth 60 milje larg bregut dhe pesë marinarë u raportuan të zhdukur.
Mësohet se dy prej tyre janë gjetur të vdekur, ndërsa tre janë ende në kërkim. Rimorkiatori ishte nisur drejt Shqipërisë për të kryer disa punë. Shkaku i aksidentit është deti i trazuar dhe me dallgë.
Sipas mediave të huaja, komandanti, 63-vjeçari nga Katania, u shpëtua nga një anije e thirrur menjëherë në vend nga Autoriteti Portual, ndërsa kërkimi për personat e zhdukur vijon ende, i koordinuar nga dhoma e operacionit me Kapitenerisë e Portit të Barit.
Discussion about this post