Një delegacion i Komitetit të Punëve të Jashtme të Parlamentit Europian prej shtatë eurodeputetësh do të bëjnë një tur vizitash në Tiranë dhe Podgoricën duke nisur nga dita e sotme deri më 26 maj për të shprehur mbështetjen për çuarjen përpara të procesit të zgjerimit.
Ky delegacion i kryesuar nga kryetari David McAllister ka takuar kryeministrin shqiptar, Edi Rama, me të cilin diskutuan për reformat gjyqësore dhe reformat e tjera, rekomandimet e rezolutës së PE dhe integrimin rajonal. Konferenca për shtyp e McAllister do të mbahet në orën 13:00 të së martës në Shtëpinë e Evropës në Tiranë.
Anëtarët e Komitetit të Punëve të Jashtme (AFET) do të vlerësojnë progresin e Shqipërisë dhe Malit të Zi dhe reformat e mëtejshme të nevojshme për të avancuar drejt anëtarësimit në BE.
Ata do të rikonfirmojnë gatishmërinë e Shqipërisë për të nisur negociatat e anëtarësimit në BE dhe do të shprehin mbështetjen për përpjekjet e Malit të Zi për t’i përfunduar ato. Vizita do të trajtojë çështjet e theksuara në raportin e Parlamentit Evropian për Shqipërinë të miratuar nga seanca plenare më 19 maj 2022 dhe në raportin e Malit të Zi të miratuar nga Komisioni për Punët e Jashtme më 12 maj
??-??@EP_ForeignAff delegation, led by the Chair @davidmcallister, is in Tirana on Mon and Tue. One of the first meetings was with the Albanian Prime Minister @ediramaal to discuss judicial and other reforms, EP resolution recommendations & regional integration pic.twitter.com/S9GXYb11lp
— AFET Committee Press (@EP_ForeignAff) May 23, 2022
Discussion about this post