Një ngjarje e rëndë ka tronditur vendin mbrëmë ku polici i patrullës së përgjithshme, Ludian Zaimi vrau me 6 plumba kolegun e tij, Çaush Saliasi. Ndërkohë që herë pas herë publikohen dëshmi dhe detaje të reja, së fundmi janë publikuar pamjet ku shihet se si në ambientet e Komisariatit nr.3 ku ndodhi ngjarja e rëndë ndodhen disa efektivë policie të ulur nëpër karrige, në pritje të ndërrimit të turnit.
Ka qenë emisioni ‘Sot’ në Euronews Albania ai që ka siguruar videon ekskluzive të momentit kur Zaimi qëlloi me armën e shërbimit Saliasi, 55 vjeç.
Autori del jashtë, ndërkohë që pak para tij ka dalë edhe viktima, i cili shihet i ulur në shkallët e komisariatit.
Mes viktimës, i cili shërbente prej 20 vjetësh në polici dhe autorit ndodhi një konflikt banal. Zaimi qëlloi të paktën me 6 plumba ndaj Saliasit dhe tashmë është arrestuar nga Policia.
Ndryshe dyshohet se Zaimi ka qenë përdorues dhe shpërndarës i lëndëve narkotike dhe këtë e ka fshehur duke mos iu nënshtruar testit që është zhvilluar brenda policisë sa i përket efektivëve që mund të ishin përdorues të këtyre lëndëve. Më tej, sipas informacioneve, Zaimi ishte edhe pjesë e patronazhistëve të artisë Socialiste.
Discussion about this post