Kreu i Kuvendit, Gramoz Ruçi gjatë fjalës së tij në Kongresin e Partisë Socialiste, është ndalur në një falënderim të gjatë për ish-kryetarin e kësaj force politike, Fatos Nano.
Sipas Ruçit kushdo që sot i thotë vetes politikan dhe intelektual, nuk mund të mohojë se Fatos Nano është një i tillë.
Ai është ndalur edhe vitet e burgut të Nanos, duke thënë se vetëm ai ka bërë burg në radhët e socialistëve pasi ishte kryetar i PS.
“Do përshëndes mbi të gjithë Fatos Nanon. I dashur Fatos, ne jemi krenar për ty për shumë gjera. Pasi shumë kush nga ne i thotë vetës politikanë. Por askush nuk thotë që ti nuk je politikan. I dashur Fatos jemi krenar që të kemi pasur kryetar. Se kushdo nga ne, që i thotë vetës intelektual. Askush nuk të thotë dot ty se nuk je. I dashur Fatos shumë socialistë nga 91-97 u persekutuan. Por 4 vjet burg i bërë vetëm ti i dashur se ishte kryetari jonë. Mirënjohje mirënjohje mirënjohje Fatos Nano. Ne ngritëm shtetin, vumë binar në ekonominë e tregut. Shtetin e së drejtës dhe ligjor. Mbi të gjitha përballuam Kosovën. Që sot gëzon statusin Republikë e Kosovës” tha Ruçi.
