“Afroi Shqipërinë me Bashkimin Europian”, delegacioni i BE-së reagon për ndarjen nga jeta të Nishanit

Delegacioni i BE-së në Tiranë ka reaguar për ndarjen nga jeta të ish-presidentit Bujar Nishani, i cili prej kohësh ishte në gjendje të rëndë shëndetësore dhe po trajtohej në Gjermani.
Në një mesazh ngushëllimi, delegacioni i BE-së shprehet se Nishani ka dhënë një kontribut të rëndësishëm për afrimin e Shqipërisë me Bashkimin Europian.

“Me dhimbje të thellë mësuam për ndarjen nga jeta të Presidentit Bujar Nishani. Si Ministër i Drejtësisë, i Brendshëm dhe President, ai ka dhënë një kontribut të rëndësishëm për afrimin e Shqipërisë me Bashkimin Evropian. Ngushëllimet tona të përzemërta familjes, miqve dhe kolegëve të tij.”-shkruhet në reagim.