Kryeministri Edi Rama ka mbërritur në kryesinë e Partisë Socialiste ku po zhvillohet mbledhja për emrin e presidentit.
Në këtë mbledhje do të flitet për presidentin e ri, ku PS do të përcaktojë edhe kandidatin për kreun e shtetit, pasi nesër duhet të dorëzohet emri në Kuvend, e më tej të çohet për votim.
Pritet që pas përfundimit të kësaj mbledhje kryeministri Rama të flasë për media, ku edhe do të japë emrin final për president.
Ndërkohë Partia Demokratike ka paralajmëruar se nuk do të jetë pjesë e votimit. Kryetari i Grupit Parlamentar të PD, Enkelejd Alibeaj, tha se nuk ka sens që PD të marrë pjesë më në këtë procesi, të cilin sipas tij “vetëm nga ne nuk u bojkotua”.
Të pranishëm në fakt do të jenë deputetët e ‘Rithemelimit’. Ish-kryeministri Sali Berisha do të marrë pjesë në seancën e ditës së nesërme në Kuvend. Berisha tha sot gjatë konferencës për shtyp se vota e tij do të jetë kundër çdo kandidature të socialistëve.
Discussion about this post