Komisioneri Publik ka çuar në Kolegjin e Posaçëm të Apelimit, pranë Gjykatës Kushtetuese, Erjon Shehaj, prokuror/drejtues në Prokurorinë pranë Gjykatës së Shkallës së Parë, Lezhë.
Komisioneri Publik konstaton se nga shqyrtimi i vendimit nr. 521/2022, të Komisionit të Pavarur të Kualifikimit dhe akteve shoqëruese të tij, paraqiten gjetje dhe rrethana të tilla ligjore e fakti, që nuk përmbushin kriteret dhe standardet profesionale, që garantojnë mbrojtjen dhe forcimin e besimit të publikut, të parashikuara me ligjin nr. 96/2016, duke përbërë, në këtë mënyrë, shkaqe për vlerësimin tërësor të procedurave, sipas përcaktimit të nenit 4, pika 2 të ligjit nr. 84/2016.
Komisioneri Publik kërkon që shkaqet e këtij ankimi të merren në shqyrtim nga ana e Kolegjit të Posaçëm të Apelimit dhe, në zbatim të nenit 66, pika 1, germa “b”, të ligjit nr. 84/2016, në përfundim të shqyrtimit të çështjes në seancë publike, të vendosë ndryshimin e vendimit nr. 521, datë 1.4.2022, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, z. Erjon Shehaj.
Discussion about this post