Zyra e Aleko Anagnosti, noterit të Sarandës që u arrestua pak ditë më parë për tjetërsim pronash, është përfshirë nga flakët orët e para të mëngjesit të sotëm.
Policia bën me dije se ngjarja ka ndodhur në lagjen nr.1 Sarande, ku si pasojë ka vetëm dëme materiale.
Grupi hetimor ndodhet në vendngjarje dhe po punon për zbardhjen e rrethanave të ngjarjes dhe përcaktimin e shkakut të rënies së zjarrit.
Anagnosti është në mesin e zyrtarëve të arrestuar më 1 qershor. Në pranga ranë Drejtori i Urbanistikës Pandi Zhonga në Bashki, Rovena Alikaj, juriste në agjencinë shtetërore të kadastrës si Aleko Anagnosti, noter. Ata dyshohet se kanë shpërdoruar detyrën duke abuzuar me lejet e ndërtimit. Arrestimet e tyre janë bërë urdhër të Prokurorisë së Sarandës, e cila pas hetimeve zbuloi se këta persona kanë tjetërsuar 10 mijë metër katror tokë shtetërorë që ishte lulishte në Sarandë.
Discussion about this post