Ard Daullxhiu, një personazh i njohur që kërkonte ndihmë të vazhdueshme bashkisë për një strehë, ka ndërruar jetë mëngjesin e sotëm.
Burimet për MCN bëjnë me dije se Daullxhiu ka ndërruar jetë në spitalin e Durrësit pas një ataku kardiak.
Mësohet se fillimisht ai kishte ndjerë dhimbje në gjoks teksa ishte duke shitur fara në tregun e Durrësit dhe menjëherë ka marrë biçikletën për të shkuar në Urgjencën e Spitalit të qytetit, por është rrëzuar pa ndjenja në tokë në momentin që ka hyrë brenda rrethimit të spitalit.
Ardi Daullxhiu u bë i njohur pas ekspozimit në rrjetet sociale dhe kërkesave për ndihmë ekonomike në mënyrë që të dilte nga mjerimi i thellë ku ndodhej.
Discussion about this post