Miratimi i hartës së re gjyqësore nga KLGJ, ka shkaktuar pakënaqësi të mëdha në radhët e avokatëve, por dhe qytetarëve. Krahas vendimit të Dhomës së Avokatisë për të bojkotuar seancat gjyqësore gjatë ditës së martës, një tjetër protestë ka ndodhur nga avokatët në qytetin e Laçit.
Dhoma e Avokatisë së Kurbinit është kundër lëvizjes së Gjykatës në Lezhë, pasi kjo do të shkaktojë kosto më të larta për qytetarët dhe një mbingarkim të dosjeve në Gjykatën e Lezhës. Ata paralajmërojnë përshkallëzim të aksionit të tyre nëse kërkesat nuk do të merren parasysh nga qeveria.
“Gjykata e Kurbinit ka çështje më shumë se ka SPAK-u sot. Të gjitha këto çështje ku do shkojnë? Gjykata e Kurbinit ka një godinë e cila përballon gjithë këtë fluks, ndërkohë që Lezha nuk përballon dot çështjet e veta dhe jo të përballojë fluksin e Laçit. Nuk ka shans. Si ka mundësi që në kohën e Enverit ne na çuan në Krujë sot na çojnë ën Lezhë. Për të ardhur një kopje vendimi që kushton 2 mijë lekë, tani duhet të paguash dhe 5 mijë lekë për të shkuar në Lezhë. E kuptoni çfarë absurdi është”, tha një prej avokatëve në protestë.
Discussion about this post