Nisja e sezonit turistik, policia aksion për verifikimin e plazheve private në Vlorë

Me nisjen e sezonit turistik, Agjensia e Bregdetit e mbështetur nga policia e shtetit dhe policia bashkiake kanë nisur ditën e sotme verifikimet e kontratave dhe lejeve për plazhet private në Vlorë.
Verifikimet do të fokusohen kryesisht në verifikimin e metrave katrorë, plotësimin e infrastrukturës, sigurisë (roje vrojtimi si dhe kufizueset për korridoret e hyrjes dhe daljes së mjeteve lundruese në breg). Verifikimi ka nisur për 54 kontrata me plazhin e ri. Aksioni do të vijojë për 184 stacionet e plazhit në rrethin e Vlorës.