Argjira Spanca dhe Graciano Tagani janë një nga çiftet më të përfolura të showbizit shqiptar. Vetëm disa muaj më parë ata kanë pranuar publikisht lidhjen e tyre të dashurisë duke marrë kështu mbështetjen e plotë të publikut.
Dyshja kanë treguar se ishte puna e tyre e përbashkët në televizion ajo që i ka çuar drejt lidhjes dhe kështu fansat janë tepër kurioz të mësojnë gjithçka rreth marrëdhënies së krijuar mes tyre.
Detaji dhe lajmi më i fundit është se tashmë Graciano ka vendosur që të marrë një hap të madh në marrëdhënien e tyre duke i propozuar Argjirës në mes të programit.
Si duket e gjitha ishte një lojë apo inskenim për rubrikën e lojërave “Dielli apo Hëna” në emisionin “E diell” edhe pse u duk shumë i vërtetë.
Gracianons iu kërkua t’i propozonte Argjirës në skenë dhe propozimi ndodhi aty në atë moment.
“Ky gjest nuk është i inskenuar sepse Gjira është nusja ime. Qenka një moment i vështirë. Ti e di sa të dua, je gjëja më e shtrenjtë që kam. Të jam shumë falenderues sepse realisht më ke ndryshuar jetën. Do martohesh me mua?”
Më pas u ul në gjunjë dhe i propozoi Argjirës me një unazë të cilën ja ofroi Nevina. Sigurisht Argjira u përgjigj me një “Po” dhe në fund çifti e vulosën propozimin me një puthje.
Discussion about this post