Pas pjesëmarrjes në Eurovision, dhe të gjithë debatit të madh që e pasoi, Ronela Hajati është përqëndruar tek vera duke sjellë këngë të reja.
Një jave pas bashkëpunimit të dytë me MatoLale, këngëtarja është në përgatitje e sipër për këngën e saj të re. Së fundmi ajo ka nisur xhirimet e klipit të ri, i cili do të ketë skena edhe të “dasmës” së inskenuar të këngëtares. Ronela ka ndarë në rrjetin e saj social Instagram video nga kjo skenë e videoklipit të saj teksa po xhirohej.
“Dasmë sot, do martohem”,-dëgjohet të thotë Ronela në video.
Ajo çfarë ra shumë në sy ishte se “nuse” Ronela dhe të ftuarit ishin të veshur të gjithë me veshje të zeza.
Kujtojmë se këngëtarja, e cila përfaqësoi Shqipërinë në Eurovision këtë vit, ka bërë disa reagime në rrjetet sociale, më së shumti për kritikët e këngës së saj “Sekret” dhe performancës që bëri në gjysmëfinalen e parë të festivalit europian.
Discussion about this post