Presidenti i Serbisë, Aleksandër Vuçiç ka deklaruar se Shqipëria dhe Maqedonia e Veriut e meritonin hapjen e negociatave me Bashkimin e Europian.
Gjatë një konference të përbashkët pas samitit, Vuçiç u shpreh se Serbia e mbështeti këtë qëndrim dhe i bëri thirrje BE që të hapë negociatat sa më shpejt të jetë e mundur.
“Ne e kuptojmë njëri-tjetrin. Serbia ishte mbështetëse për çeljen e procesit të negociatave për Shqipërinë dhe Maqedoninë e Veriut, por asgjë nuk ndodhi. Miqtë tanë nga Shkupi dhe Tirana e meritonin dhe mendoj se duhet ta marrin sa më shpejt të mundur. Nuk është formale, por e nevojshme sepse kanë bërë gjithçka në përputhje me rregulloret. Qytetarët shqiptare dhe maqedonas e meritojnë këtë. Dua të them diçka që do konfimojë rrugëtimin tonë në BE, nëse bëhet një analizë mund të shihet që Serbia ka rritur shkëmbimet tregtare me BE, s’do e besoni. Mund ta imagjoni sa e madhe është kjo për një vend të vogël sa është Serbia. I jemi mirënjohës që na mbështetën në këtë drejtim drejt BE, na kanë dëgjuar më shumë se 20 udhëheqës, edhe ne i dëgjuam edhe propozimin e Macron për krijimin e një komuniteti të ri evropian, është e vetmja mënyrë që ne të dëgjohemi”, tha Vuçiç.
Discussion about this post