Raportuesja për Kosovën në Parlamentin Evropian, Viola von Cramon, ka komentuar Samitin e Bashkimit Evropian me liderët e Ballkanit Perëndimor duke e quajtur takimin një “dështim të plotë” .
Përmes një postimi në Twitter, Von Cramon ka thënë se mosmarrja e asnjë vendimi pozitiv për vendet e Ballkanit, është sinjal katastrofik.
“Ky samit BE-Ballkan Perëndimor ka qenë dështim i madh. Dërgon sinjal katastrofik. Është vetëm një njeri i lumtur nga kjo situatë dhe ai ulet në Kremlin. U thanë të udhëtojnë në Bruksel, të gjashtë vendeve, dhe nuk iu dhanë asgjë, për asgjë. Bosnja nuk e mori statusin e kandidatit, edhe më keq Shqipëria e Maqedonia e Veriut nuk nisën negociatat e pranimit dhe Kosova nuk mori liberalizimin e vizave. Më duhet të pranoj se jam tmerrësisht e zhgënjyer, dhe kur Komisioni Evropian po e quante veten komision gjeopolitik, kjo është shaka”, ka shkruar Von Cramon.
Liderët e Bashkimit Evropian dhe të Ballkanit Perëndimor u takuan dje në samitin e mbajtur në Bruksel.
Discussion about this post