Australia ka rekomanduar përdorimin emergjent të AstraZeneca vetëm për personat mbi 60 vjeç. Ministri i Shëndetësisë Greg Hunt tha se qeveria federale mori parasysh këshillat mjekësore nga Grupi Teknik Australian për Imunizimin (ATAGI).
Personat nën 60 vjeç do të vaksinohen me Pfizer. Gjithashtu ai tha se vendi është rrugën e duhur për të siguruar një dozë të një vaksine anti-covid për çdo australian që dëshiron të vaksinohet deri në 2021.
Eksperti mjekësor Paul Kelly tha gjithashtu se personat që kanë marrë një dozë të AstraZeneca dhe nuk kanë pasur efekte anësore mund të marrin dozën e dytë. Ky ndryshim sigurisht do të ushtrojë presion të mëtejshëm në furnizimin e Australisë me Pfizer, e vetmja vaksinë tjetër kundër COVID-19 që është miratuar aktualisht në Australi.
