Aksidenti tragjik në Berat, kjo është nëna 25- vjeçare që humbi jetën me të birin pasi ra në lumë (FOTO)

Gijotina.com ka siguruar foton e 25-vjeçares, Klaudia Xhaferaj e cila humbi jetën ditën e sotme bashkë me të birin 6-vjeçar.

Nënë e bir humbën jetën, pasi makina me të cilën po udhëtonin doli nga rruga dhe përfundoi në lumin Osum.

Dëshmitarët nga vendi i ngjarjes thonë se djali i vogël 6-vjeç kishte vigon në dorë, ndërsa dyshohet se para aksidentit fatal nënë e bir kanë qenë në spital. Aksidente të ngjashme janë regjistruar të paktën edhe dy herë të tjera në Berat.

Aksidenti tragjik u shënua ditën e sotme rreth orës 14:00, në rrugën urbane “Antipatrea”, pranë vendit të quajtur “Ura e re”. Klaudia Xhaferaj duke drejtuar mjetin tip “Benz” ka humbur kontrollin dhe ka rënë në lumë.

Për pasojë 25- vjeçarja ka humbur jetën bashkë me fëmijën e saj rreth 6 vjeç. Grupi hetimor në vendngjarje po kryen veprimet për zbardhjen e shkaqeve të aksidentit