Gjykata Kushtetuese ka nisur sot seancën për të shqyrtuar padinë e disa partive politike kundër ndryshimeve në Kodin Zgjedhor për mënyrën e përfitimeve financiare për pjesëmarrjen në zgjedhjet e 25 prillit.
Përfaqësuesja e Kuvendit: Forma është për të mos lënë partitë e koalicionit pa fond. Mbështetja financiare ka kufizim, bëhet në bazë të peshës elektorale.
Institucionit të drejtësisë i janë drejtuar 5 parti politike; Partia Republikane e Shqipërisë, Partia Agrare Ambientaliste, Partia Lëvizja për Zhvillimin Kombëtar, Partia Bashkimi për të Drejtat e Njeriut dhe Partia Demokristiane e Shqipërisë. Të gjitha kërkojnë shfuqizimin e mënyrës së llogaritjes së parave që ato do të marrin si pjesëmarrëse në zgjedhje përmes koalicioneve, duke kërkuar ndryshim në nenin 88 të Kodit Zgjedhor.
