Kreu i Partisë Demokratike, Sali Berisha, ka deklaruar ditën e sotme se do të ketë një rakordim të plotë me Ilir Metën apo me cilindo që të do të bashkohet në frontin opozitar.
“Do ketë një rakordim të plotë në frontin për shpëtimin e Shqipërisë me Metën dhe cilindo që do të bashkohet me këtë front”.
I ftuar në emisionin “Opinion” me Blendi Fevziun, është pyetur nga gazetarët nëse do ta mbështeste Metën nëse do të kandidonte për kryetar bashkie në Tiranë.
Lidhur me këtë pyetje, Berisha u përgjigj se për kandidatin do të vendosin primaret, ndërsa shtoi se ka ikur koha kur Berisha mbështeste njerëz.
“Ne kemi një sistem primaresh, nga i cili nuk mund të heq dorë. Primaret janë primare. Ka marrë fund koha kur Berisha mbështet këtë apo atë, Berisha do mbështesë cilindo që fiton në primare”.
Discussion about this post